దారి చూపించర దశరథరామ
జననాధోత్తమ ఘనపాపహర
వినతాసుతవాహన సర్వేశ
మును నిన్నెంచని మూర్ఖుడ నైనను నీ
ఘనత నెఱింగితి కావున నిపుడిదె
పరమపురుష హరి పరమదయాళో
కరివరదా కలికల్మషనాశన
పరమాత్మా నిను బ్రహ్మాద్యమరులె లో
నెఱుగ నే‌‌రరని యెఱిగి భక్తితో
భువనత్రయసంపోషణనిపుణ
భవభయవారణ బహువరవితరణ
పవనజనుత నీపాదము లంటితి రా
ఘవ నీవేదిక్కని నమ్మితిరా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.