ఏమని రాముని నామమును నీ
వేమరచితివే ఓమనసా
కామితఫలదుని నామము కన్నను
భూమిని రుచికర మేమున్నదనే
పామరత్వమున పడిపోయితివి
స్వామిని శరణము వేడగదే
ప్రేమగ శ్రీరఘురాముని నామము
గోముగ నిచ్చలు కొలిచితరించక
రాముని మెచ్చని రాకాసులతో
నేమిటికే పొందేమిటికే
రాముని దశరథరాముని సీతా
రాముని దనుజవిరాముని సద్గుణ
ధాముని రాజారాముని నామము
నేమరి యెటు తరించెదవే
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.