29, ఏప్రిల్ 2020, బుధవారం
ఏమయ్య రామయ్యా యేమి చేయుదును
ఏమయ్య రామయ్యా యేమి చేయుదును
కామారి సన్నుత కావుము నన్ను
గురువు లెవరును వచ్చి కోదండపాణి యీ
నరునకు నిను గూర్చి నాలుగు మాటలు
సరియైనవి చెప్పి చక్కగ నీపైన
గురికుదుర జేయని దెఱుగవో దేవా
ఏనాటి పున్నెమో ఇంచుక సద్భక్తి
యీ నాటికి కలిగె నీశ్వర నీపైన
కాని సదసద్వివేకంబు చాలమి జేసి
నేను నిన్నెఱుగ లేనుగ దేవా
నీ నామమే పట్టి నిలిపితి మనసున
దాని కన్య మెఱుగను దయచూడవయ్య
నీ నామరూపగుణగానము చేయుదు
దానినే సేవగ తలచవే దేవా
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.