2, ఏప్రిల్ 2020, గురువారం
అన్నిటికిని నాకు నీవున్నా వను నమ్మకము
అన్నిటికిని నాకు నీవున్నా వను నమ్మకము
నన్ను సదా రక్షించుచున్నా వను నమ్మకము
ఈనాటిది కాదు కదా యేనాడీ భూమికి
నేను నేననుచు దిగినానో ఆనాటిది
నానాటికి బలపడినది నన్నెపుడు వీడనిది
నా నమ్మిక యిది మంచిది నాకు రూఢియైనది
పదునాలుగు లోకములను పాలించు విభుడవే
యిదిగో యొక ప్రాణి నేలుటెంత మాట
మది నొక్కి ఘడియయేని మరువకుండు నన్నును
వదిలి యుందువా నీవు భక్తరక్షణాచణ
అనవరతము నీసేవ నమరుట నావంతు
నను దయతో నేలుట యనునది నీవంతు
వినుతశీల వంతులిట్లు విశదముగ నుండగ
నినునమ్మి భక్తుడనై నిలువనే నిచ్చలును
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
శ్రీరామ రక్ష సర్వజగద్రక్ష
రిప్లయితొలగించండిఅమ్మా భారతి గారు,
తొలగించండిబహుకాలం తరువాత వచ్చారు. చాలా సంతోషం. మీరన్నది నిజం. ఆయనయే జగద్రక్షకుడు కదా.
తరచుగా మీ కీర్తనలు చూస్తుంటానండి. మీ భక్తిని చెమర్చిన కనులతో చూస్తూ ఆనందంగా రామనామస్మరణ చేసుకుంటూ మౌనానుభూతిని పొందుతుంటాను.
రిప్లయితొలగించండిప్రేమ ముప్పరగొను వేళ నామం దలచువారు.....��
మీ రామభక్తికి శిరసా నమామి...