రాముని రవికులసోముని

రాముని రవికులసోముని సుగుణ

ధాముని పొగడెద దశరథసుతుని



కామితవరదుని కరుణానిలయుని

భూమినాయకుని పురుషోత్తముని

శ్యామలగాత్రుని సరసిజనేత్రుని

వేమరు పొగడెద వేదవేద్యుని



మునిజనవినుతుని భూమిజావరుని

దినమణిసత్కులసందీపనుని

దనుజదుష్కులవనదహనకారణుని

అనయము పొగడెన నంబుజాక్షుని



తారకరాముని ధర్మస్వరూపుని

శ్రీరఘురాముని సీతాపతిని

కోరిన మోక్షము కొసరు దేవుని

చేరి నే పొగడెద చిత్తమలరగ