16, జులై 2012, సోమవారం

నేను నీ‌ పక్షమున నిలచి వాదులాడేనో పోనిమ్మని నీవలె కాననటు లుండేనో

edited 11/01/19
నేను నీ‌ పక్షమున నిలచి వాదులాడేనో
పోనిమ్మని నీవలె కాననటు లుండేనో

చేరి కొలుచుచుండు వారు దూఱి నవ్వుచుండు వారు
సారెకు నిను తలచు వారు నౌర నిన్నెరుగని వారు
వీరందరు గూడ నీదు కారుణికమునకు తగిన
వార లగుచు కానబడుట బాగ విదిత మాయె రామ

జ్ఞానదృష్టి నెఱుగు వారు కాన లేక దిట్టు వారు
లోన నమ్మి నిలుచు వారు లేని శంక లేని వారు
మానక వీరెల్ల నీదు మంచి చూపు నోచు కొనగ
లేనిపోని తాపములకు లోనగు టేమిటికి రామ

వారి వారి ముందు గతికి వారి వారి పధ్ధతులని
మారు పలుకరాని గొప్ప మాట నీవు చెప్పి నావు
దారులన్నియును నీదు ధామమును చేరు గాన
తీరి పోయె వాదు లనుచు తెలియ వచ్చినది రామ

original 7/16/12
నేను నీ‌ పక్షమున నిలచి వాదులాడేనో
పోనిమ్మని నీవలెనే కాననట్లుండేనో

చేరి కొలుచుచుండు వారు దూరి నవ్వుచుండు వారు
సారెకు నిను తలచు వారు ఔర నిన్నెరుగని వారు
వీరు వారు గూడ నీదు కారుణికమునకు తగిన
వారలగుచు కానబడుట బాగ విదిత మయ్యె రామ

జ్ఞానదృష్టి నెరుగు వారు కాన లేక దిట్టు వారు
లోన నమ్మి నిలుచు వారు లేని శంక లేని వారు
మానక వీరెల్ల నీదు మంచి చూపు నోచు కొనగ
లేనిపోని తాపములకు లోనగు టేమిటికి రామ

వారి వారి ముందు గతికి వారి వారి పధ్ధతులని
మారు పలుకరాని గొప్ప మాట నీవు చెప్పి నావు
దారులెల్ల చేరునది నీ ధామమున కగుట వలన
తీరి పోయె వాదు లనుచు తెలియ వచ్చినదిర రామ

3 వ్యాఖ్యలు:

  1. మంచి ఆధ్యాత్మిక దృష్టి కలిగిన మీకు, మీ దృష్టి ఎటుందో మీ "పదాలు" కూడా అటే సాగుతున్నాయి.అందరినీ ఆ దారినే రమ్మంటున్నాయి. శుభం..

    ప్రత్యుత్తరంతొలగించు
  2. దారులెల్ల చేరునది నీ ధామమున కగుట వలన -- sarva deva namaskaram kesavam pratigacchati. om samti ssamti ssamtih

    ప్రత్యుత్తరంతొలగించు
  3. చాలా బాగుంది శ్యామలరావు గారూ!
    @శ్రీ

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.