24, జులై 2012, మంగళవారం

పగబట్టి యున్నదీ ప్రకృతి నన్ను దిగలాగుచున్నదీ ప్రకృతి

edited 11/10/19
పగబట్టి యున్నదీ ప్రకృతి నన్ను
దిగలాగుచున్నదీ ప్రకృతి

దేహబంధము వీడి దివ్యత్వమున నుండ
నూహ చేసెడివేళ సుడికించుచున్నది
ఐహికవాంఛల నిదే  యెగదోయుచున్నది
స్నేహ హస్తము జాచి చేదుకో రామ

ఈ నశ్వరములపై పోని నా బుధ్ధికి
లేని యాశల నెల్ల తాను  గ్రుచ్చేను
దాని దుందుడుకును పూని నీ వైనను
మానిపించుము నన్ను మన్నించి రామ

నీవు నే నొకటనే నిశ్చయంబున నుండ
కావు నా వాడవని గద్దించు చున్నది
ఏవిధి తొలగింతువో యిట్టి చీకాకును
కావ నీ వే దిక్కు కరుణించు రామ

original 7/24/12
పగబట్టి యున్నదీ ప్రకృతి నన్ను
దిగలాగుచున్నదీ ప్రకృతి

దేహబంధము వీడి దివ్యత్వమున నుండ
నూహ చేచెడివేళ నొప్పించుచున్నది
ఐహికవాంఛల నిదే  యెగదోయుచున్నది
స్నేహ హస్తము జాచి చేదుకో రామ

ఈ నశ్వరములపై పోని నా బుధ్ధికి
లేని యాశల నెల్ల తాను  గ్రుచ్చేను
దాని దుందుడుకును పూని నీ వైన
మానిపించి నన్ను మన్నించు రామ

నీవు నే నొకటనే నిశ్చయంబున నుండ
కావు నా వాడవని గద్దించు చున్నది
ఏవిధి తొలగింతువో యిట్టి చీకాకును
కావ నీ వే దిక్కు కరుణించు రామ

3 వ్యాఖ్యలు:

  1. sir prakruthi manaku varam antaaru kadaa, meeru evariki nivedisthunnaru ee vedaani devunikaa?

    ప్రత్యుత్తరంతొలగించు
  2. ఫాతిమాగారూ, దేవుడు సత్యం. ప్రకృతి అనేది మాయతో కూడుకున్నది, జననమరణాలకు కారణమైనది. దీనినుండి విడివడి జీవుడు తనదైన శుద్ధమైన స్వరూపాన్ని తెలుసు కోవటం కష్టం. ప్రకృతి నుండి విడివడటాన్నే ముక్తి అంటాము. అసలు ఆమాట అర్థమే 'విడివడుట' అని కదా. ఆ క్రమంలో యేర్పడే చిక్కులు ఇన్నీ అన్నీ కావు. జీవుడికి ఇఛ్ఛ ఉన్నప్పటికీ విడివడటానికి శక్తి చాలదు. అందుకు దైవకృప అత్యావశ్యకం. అదే ఈ పాట సారాశం.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.