చెలికాడ నని నీవు చెప్పుకున్నా నాకు
కలిగితివి గురుడవై తొలిభవము నందునే
మెలకువతో నీ వెంట మసలుచుందును నేను
కలనైన నీ యానతి కావల చరియించనును
నా సంగతి నెరిగినట్టి నీ సాంగత్యమును మాని
మోసకారులను నమ్ము మూర్ఖశిఖామణిని గాను
దోసములా నరవేషము తొడుగుటతోనే మొదలు
నా సద్గురు దేవ యింక నన్ను రక్షించ రావె
లోకగతి కఠిన మయ్య లోపములే యెంచుచుండు
నా కేమో నీవు దప్ప లోక రీతి యెరుక గాదు
నా కొంచెపు దనము నెరిగి నాపై దయ జూపుదువు
నాకు కలిమి బలిమి గూడ నా సద్గురు దేవ నీవె
మరలమరల పుట్టు చుంటి మరలమరల చచ్చుచుంటి
తరచు పాపపుణ్యములను దాల్చి యిచట తిరుగుచుంటి
వెరపు గొరపు యీ యాతన విడుచున్నది నీ కృపచే
పరమదయామయ సద్గురు పరమాత్మా ప్రియసఖా
nice,entha bhagha raasaarandi,
రిప్లయితొలగించండిkeep writing sir.
భాస్కర్‌‌గారు,
రిప్లయితొలగించండిమీకు యీ గీతం నచ్చినందుకు చాలా సంతోషం.
(మరెవరికైనా నచ్చిందో లేదో తెలియదు!)