శ్రీమద్రామపదారవిందమధు యే భృంగాః సరాగా అమీ
సేవంతే సనకాః శుకాదిమునయస్తేషాం న కాచిత్స్పృహా .
శ్రీమద్రామపదారవిందమధునో జానంతి వై తే రసం
తత్స్వాదాత్పరసౌఖ్యదా భవతి యా సా స్యాత్స్థితిర్నః సదా .. 1..
ఈశావాస్యమిదం జగత్భవతి భో జీవాః సుఖాన్వేషకాః
నాస్త్యస్మిన్ సుఖలేశ ఇత్యుత ఇహ బూతే శ్రుతిర్మా గృధః .
భుఞజీథా ఇతరాం చ రామపదవీం త్యక్తేన తేనాధునా
మోహో నాస్తి న శోక ఇత్యపి భవేదేకాత్మతాదర్శనే .. 2..
శిష్యః పృచ్ఛతి కేన ఖాని చ మనః ప్రాణా గురో చేశితాః
యచ్ఛ్రోత్రం శ్రవణస్య వాక్చ వచసశ్చిత్తస్య చేతోపి తత్ .
చక్షుర్గచ్ఛతి నో మనో న చ వచో యత్రాస్తి తత్కో వదేత్
ఏతత్తే ప్రభురామరూపమగుణం యక్షాత్మకం సర్వభృత్ .. 3..
శ్రేయః ప్రేయ ఇతి ద్వయం ఖలు తయోస్తచ్ఛ్రేయ ఏవాభయం
ధీరో యస్తు విరక్తచిత్తవిలయసంధన్యః కృతీ చాత్మవిత్ .
సూర్యాచంద్రమసౌ న యత్ర హుతభుగ్ రామస్య తస్మిన్ పదే
శుద్ధే శుద్ధజలం యథా భవతి సః స్వాత్మైవ వక్తి శ్రుతిః .. 4..
తం వేద్యం పురుషం హి వేద న పరం వేద్యం న తన్మృత్యుభిః
యోఽస్యామేవతనౌ విభాతి సతతం శుభ్రో భవత్యక్షరః .
యజ్జ్ఞాత్వా ముదమశ్రుతేఽత్ర సకలం భద్రం చ సర్వజ్ఞతాం
తచ్ఛ్రీరామపదస్వరూపమమలం జ్ఞేయం చ గేయం పునః .. 5..
యద్జ్ఞానాద్విదితం జగత్తదవికృద్ధామస్వరూపం స్వయం
విజ్ఞాయ స్వగురోర్ముఖాత్పరమితో భిన్నం న వేత్తి క్వచిత్ .
సింధుం ప్రాప్య యథా న ముఞచతి నదీ విద్వాన పరం విందతే
యో వై తత్పరమం చ వేద సతతం బ్రహ్మైవ స బ్రహ్మవిత్ .. 6..
ఓంకారం వ్యభజచశ్రుతిర్వదతి తదభుతం భవిష్యద్గవత్
జీవేశౌ చ విభావయత్యపి పునర్బ్రూతే తయోరేకతాం .
యద్జ్ఞాత్వా నితరామభిన్నపదవీం ప్రాప్నోత్యమాత్రాం శివాం
శుద్ధం తుయరి మదం స్ఫుటం పరిమితి శ్రీరామభద్రోవ్యయః .. 7..
సంసారస్య చ రేరివా మమ తు యా కీర్తిర్గిరేరున్నతా
యతూర్ధ్వ జగతోఽస్య మూలమితి తద్ బ్రహ్మాత్మమద్రూపకం .
యజ్జ్ఞాత్వా స్వమృతం పరం విభురహం బ్రూతే త్రిశఙకుర్యతః
తచ్ఛ్రీరామప్రదారవిందభజనే కిం వా భవేద్దుర్ఘటం .. 8..
ఆనందాత్సముదీర్య యాన్బహువిధాన్బాహ్యాన్పరాం శ్వాపరాన్
సత్యం జ్ఞానమనంతమక్షరమహం యో వేద నిష్కామతః .
సర్వాన్ సోఽశ్రుత ఇత్యపి శ్రుతిరహో బూతే పరం విందతే
తత్ శ్రీ రామపదం భజధ్వమధునా బ్రహ్మైవ యన్నిభయం .. 9..
యత్సృఋష్టస్థితిపాలనం విదలనం ధృత్వాపి సాక్షీ స్వయం
అన్నం ప్రాణమనోమతిభ్య ఇతి తచ్చానందకోశాగతిమ .
యన్మాయారహితం చకాస్తి సతతం కార్యం న యస్మిన్ క్వచిత్
తచ్ఛ్రీ రామపదం భజామి నితరామానందమాత్రం శివం .. 10..
యేనేదం మన ఇన్న్ద్రియాణి చ తథా ప్రాణా జగజ్జాయతే
జన్మాదిష్వపి జాగ్రదాదిషు తథా యజ్జ్ఞాపకం విస్ఫుటం .
యస్మిన్సర్వజగత్ప్రతిష్ఠితమిదం రజ్వాం యథా హి భ్రమః
ప్రజ్ఞానం ప్రభురామరూపమచలం తచ్చింతయే సిద్ధయే .. 11..
యో భూమా సుఖమద్వితీయమధునా జానీహి తత్త్వం బృహత్
తచ్ఛ్రీరామపదాత్మరూపమితి యత్సూక్ష్మాచ్చ సూక్ష్మం పరం .
శ్రద్ధత్స్వేతి పునశ్చ తత్త్వమసి భేరాబూ?రతే శ్రుతిర్నైకధా
జ్ఞాత్వా స్వల్పమిదం హి మర్త్యమిహ యత్సత్యం భజే తత్పదం .. 12..
బ్రహ్మాగ్రే యదవేదహం పునరిదం తత్సర్వమేవాభవత్
నాస్త్యస్మాదపరం యతో జగదిదం బ్రహ్మైవ సర్వం ఖలు .
తద్యోఽబుధ్యత సోఽభవత్తదపరం నాసీత్స ఏవాద్వయః
జ్ఞాత్వా శ్రీగురురామరూపమభయం చాశ్రిత్య ధన్యా వయం .. 13..
దశోఽపనిషదాం సారం శ్రీరామస్తవముత్తమం .
యః పఠేచ్ఛూణు యాభక్త్యా ముక్తిభాక్స భవేద్ధురవం ..
ఇతి దశోపనిషత్సారశ్రీరామభద్రస్తోత్రం సంపూర్ణం ..
ఆధారం: https://share.google/qbWzk7nMI5CJx1eba
