అమ్మా సీతమ్మ మ్రొక్కే మమ్మా కరుణించ
వమ్మా నీబిడ్డల మమ్మా మేము
సుగుణరాశి వసుమతీసుతవు నీవు
తగ జనకమహారాజు తనయ వీవు
జగదేకవీరుడు హరి సతివి నీవు
జగదేకమాత మహాసాధ్వి వీవు
చిరునగవుల జగములు శాసింతు వీవు
వరములిచ్చి రామభక్తవరుల కీవు
పరమశుభము చేకూర్తు వమ్మ నీవు
నిరుపమానదయాగుణాన్వితవు నీవు
సురవైరివంశ మెల్ల చిదిమితివి నీవు
శిరసువంచి మ్రొక్కేము సీతమ్మ నీకు
మరలమరల మ్రొక్కేము మాతల్లి నీకు
సిరివి నీవే సీతమ్మ శ్రీరామపత్ని
