చిల్లరదైవము

చిల్లరదైవము లెందరగొలిచిన చిక్కే దేముంది ఆ
అల్లరి మానుక రాముని గొలిచిన నందని దేముంది

చిల్లరసుఖముల నాశించినచో చెడిపోదుము కాదా

చల్లని హరిపాదము లాశించిన సంతోషము రాదా

కొల్లగ మంచివరంబుల నిచ్చే గోవిందుడు లేడా

వల్లమాలిన యాతన లెందుకు పడుదురు మీరంతా

పరమానందము నిచ్చే రాముని భావించక మీరు

పరమమూర్ఖులై వారిని వీరిని పదేపదే కొలిచి

తరచు నిరాశకు గురియౌ టెందుకు దాశరథిని కొలిచి

నిరుపమాన సంపదలు మోక్షమును నిక్కముగా గొనుడీ