అందగాడా

అందగాడా రాముడా ఆనందరూపుడ రాముడా మే
మందరము నిను శరణుజొచ్చితి మందరిని కరుణించరా

అందమైన తనువులే యందించరా మారాముడా మా

కందమైన బుధ్ధులే యందించరా శ్రీరాముడా
అందమైన విద్యలే యందించరా మారాముడా మా
కందమైన జీవికల నందించరా శ్రీరాముడా

అందమైన భోగభాగ్యము లందజేయర రాముడా మా
కందమైన బంధుబలగము లందజేయర రాముడా
అందమైన మంచిజీవిత మందజేయర రాముడా మా
కందమైన కీర్తి సుఖముల నందజేయర రాముడా

అందమైన నీదు పాదము లంటి యుంటిమి రాముడా మే
మందరము నీపాదసేవల కమరి యుంటిమి రాముడా
వందనము శ్రీరాముడా మాయందు కరుణజూపి మా
కందరకును మోక్షమిచ్చి ఆదరించర రాముడా