శ్రీరాముడు మాశ్రీరాముడు భవ
తారకుడు దేవుడు మాశ్రీరాముడు
పేరు గలవాడు మాశ్రీరాముడు మాట
తీరు గలవాడు మాశ్రీరాముడు
వీరాగ్రేసరుడు మాశ్రీరాముడు దైత్య
వీరమృగసింహము మాశ్రీరాముడు
చేరికొలుచు వారికి మాశ్రీరాముడు నో
రార పలుకువాడు మాశ్రీరాముడు
సారసాక్షు డండి మాశ్రీరాముడు సం
సారభయము బాపును మాశ్రీరాముడు
నారదాది వినుతుడు మాశ్రీరాముడు చూడ
నారాయణు డండి మాశ్రీరాముడు
కారణకారణుడు మాశ్రీరాముడు బం
గారు తండ్రి యండి మాశ్రీరాముడు
