హరి వీవు హరి యతడు

హరి వీవు హరి యతడు మరి మీ యిరువురి

కర మరుదగు జోడీ ఘనమైనది

సురకార్యార్ధము హరి నరుడాయెను

హరికార్యార్ధము హరు డంతట

ధరియించెను వానర రూపంబని

మరి బ్రహ్మాదులు మరిమరి పొగడగ

హరి నిన్నెఱుగును మరి హరి నెఱుగిన

హరిరూపమున నున్న హరుడా శ్రీ

హరిసందేశము హరియుంగరమును

హరిణాక్షి సీత కందించినావు

హరినీ శరమై యమరెను త్రిపురా

సురులను జంపగ హరి రాముడై

దురమున నుండగ తొడరి రథంబుగ

అరి నెదిరించిన హనుమంతుడా