మీ రేమి యిత్తురో మిక్కిలి విలువైన
వే రామచంద్రుల కీయవలె
మిక్కిలి విలువైన మేదినీకన్యక
చక్కని సీతను జనకు డిచ్చె
నెక్కటి వీరుడీ ఇనకులతిలకుడె
చక్కటి వరడనుచు నిక్కుచును
మిక్కిలి విలువైన మిత్రత నిచ్చెను
సొక్కుచు కపిరాజు సుగ్రీవుడు
చిక్కని స్నేహము చేతనిర్వురకు
చక్కని లాభమే సమకూరె
మిక్కిలి విలువైన చక్కని భక్తిని
నిక్కువముగ హనుమ నెఱపెను
రక్కసులను గెలువ రామున కండగ
చక్కగ నిల్చు యశంబు గొనె
