చంద్రుడంటే శ్రీరాఘవేంద్రుడే శ్రీరామ
చంద్రున కాచంద్రు డెందును సాటిరాడు
శ్రీరాము డేకపత్నీస్థిరవ్రతమువాడు
పేరుగొప్ప చల్లదనపు వేడ్కవాడు చంద్రుడు
పేరొందిన చల్లనయ్య శ్రీరామచంద్రుడు
ఒంటినిండ మచ్చలవాడు మింటనున్న చంద్రుడు
కంటికింపు రూపువాడు కాకుత్స్థరాముడు
తుంటరియు గురుద్రోహియు మింటనున్న చంద్రుడు
బంటై గురుసేవచేసె భక్తితోడ రాముడు
ఎగడుదిగుడు వెలుగుల బ్రతుకీడ్చువాడు చంద్రుడు
యుగయుగములు నిలుచుకీర్తి వెలుగువాడు రాముడు
పగలు మొగముచాటుచేయు వాడు నింగిచంద్రుడు
పగలురేలు భక్తులతో పలుకు రామచంద్రుడు
