బాగుగ నెఱిగిన వాడవు నీవే
పరమపురుష నీవే నీవే పట్టాభిరామ నీవే
పరమదయాపరా నీవే పరంధామ నీవే
అరయుచు నా మంచిని కోరి యాదరింతువు
మరి వేరెవ రున్నారయ్యా సరిసాటి నీకు
దురితనాశ నీనే నీవే దుఃఖభంజన నీవే
వరసుగుణోన్నతా నీవే నిరంజనా నీవే
మరువక నా బాగును కోరి మన్నించెదవు
మరి వేరెవరయ్యా నీకు సరిసాటి వారు
నరనాయక నీవే నీవే సురనాయక నీవే
వరదాయక రామా నీవే పరమాత్మ నీవే
సరియైన దారిని చూపి చక్కజేసెదవు
మరి నిన్ను పొగడకుందునె మాటిమాటికి
