చిక్కునో దొంగల చేతికి తాళాలు

చిక్కునో దొంగల చేతికి తాళాలు
మక్కువతో చేరునో మంచివారిని

తెలుగువారి యదృష్టము తెలంగాణ కొంతగ
తెలిపినది దానజేసి తెలియవచ్చె
తలరాత ప్రకారమే తలపులు జనులకని
కలిగినదే మేలను కలన వా రుందురని

సమయ మాసన్నమాయె సరిజూడ యాంద్రులకు
విమలోదారబుద్ధి విభవ మెట్టిదో
ప్రమత్తులై యాశపోతు రాయళ్ళను రప్పింతురొ
తమకు మేలు చేయు వారి తప్పక గమనింతురో

కర్మము నడిపించు రీతి కలుగు జనుల బుధ్ధులు
నిర్మమలై దైవముతా నెగడు గాక
ధర్మాధర్మములు వ్యత్యస్తమగునొ మానునో
మర్మ మెఱిగినది నీవె మహిని రామచంద్రుడా