ఇంతకాలము నుండి యీతనువున నుండి

ఇంతకాలము నుండి యీతనువున నుండి యింతగ దీని నీసడించ నేమిటి కయ్య
పూర్వపుణ్యఫలముగ బొందిన దేహము సర్వవిధముల నీకు సహకరించగా నిర్వహించి బ్రతుకుచు నెఱుసగు నెఱుకకు గర్వించి చీదరించి కాఱుకూతలా	ఇంత
బహిరాకాశ మనగ భగవన్మయమే దహరాకాశ మనగ దైవనిలయమే బహిరంతరము లిట్లు పావన మగుచో అహహా తనువేటికి నలుసాయె నిపుడు	ఇంత
ఇది నీకు లేకున్న నీకును రాముని మది నెంచి కొలువగా మరి వశమౌనే అది నీవు తెలిసి రామార్పణ మనగా ముదమున నుండనిచ్చి మోక్షము గొనవే	ఇంత