భద్రకం. రాముడా యతడు దేవుడే ఏమి సందియము లేదులే భూమిపై నిలుప ధర్మమున్ స్వామి తా నిలకు వచ్చెలే |
భద్రక వృత్తం.
ఈ భద్రకం అనే చిట్టిపొట్టి వృత్తానికి గణాలు ర - న -ర. అంటే‌పాదానికి 9 అక్షరాలే అన్నమాట. అందుచేత యతిస్థానం ఉండదు. వృత్తం కాబట్టి ప్రాసనియమం ఉంటుంది. ఈ పద్యం నడక గణాంతాల్లో విరుపుతో ఉంటుంది.
నాకు తెలిసి పూర్వకవి ప్రయోగాలు లేవు.
పై పద్యంలో నేను సరిపాదాలకు అంత్యప్రాసను కూర్చాను. కాని నియతంగా అంత్యప్రాసాదులు వాడవలసిన పని లేదనే అనుకుంటాను.
భద్రకాలు వ్రాయటం సులువు గానే కనిపిస్తోంది.
వీలైతే మీరూ కొన్ని భద్రకాలు వ్రాయండి.
