గత మెంచి యడిగేది కాదనవు గదా
ప్రతిసారి వలె పోయి రమ్మనకు
అలవాటే కద నీకు అందుకే వేరొక
తలకాయ తగిలింతు తైతక్క లాడర
యిల మీద క్రొత్త కథ వెలయించరా యని
సెలవిత్తు వేమొ మరి చిత్తమొల్లని పని
వేప చెట్టు జన్మము పాపఱేని జన్మము
కోపాలసుండైన భూపతి జన్మము
పాపవిదూరయోగివరుడైన జన్మము
ఈ పాట్లు పడు పారు డెత్తినవే గద
అనుభవములు చాలు హాయిగాను తొంటి
ఘనమైన స్వస్థితి కలిగించవయ్య
మనమిర్వురము నొక్కటని పల్కుచునె నను
తనువుల దాల్చగ తరుమకు మయ్య
