హరి నీనామమె

హరి నీనామమె యమృతము నీ
కరుణయె నాకు ఘనవరము

వచ్చును పోవు నుపాధులు హరి నా
కిచ్చట ధరపై నెన్నెన్నో
యెచ్చట నున్నను యెటులున్నను  బహు
ముచ్చట నీదయ వచ్చుట యేరా

సురలకు చిక్కిన సురతో వారికి
దొరికిన భాగ్యం చెందాక
పొరి కల్పాంతము వరకే నాకో
సరిసరి పుట్టుట చచ్చుట కలదా

ఇమ్మహి పుట్టువు లిక చాలును రా
రమ్మని నీవను నందాక 
గుమ్ముగ నీనామమ్మును పలుకుచు
గ్రుమ్మరు భాగ్యమె కోరెద దేవా