పరమపురుష రఘువర శ్రీరామా
హరి నిను కొలిచెద నయ్యా దేవా
మునిజనసన్నుత మోహనాంగ హరి
జనకసుతాప్రియ సారసాక్ష హరి
దనుజనాథఘనదర్పాంతక హరి
మనుజేశ్వరకులమాన్య శ్రీహరి
భువనము లన్నియు పోషించెడు హరి
పవనసుతార్చిత పాదపద్మ హరి
వివరముగా నా వెత లెరిగిన హరి
భవదుర్భరభయవారణ శ్రీహరి
సురవైరి కొడుకును కరుణించిన హరి
కరి మొర విని వెస పరువులిడిన హరి
తరచుగ భక్తుల దరిజేర్చెడు హరి
నిరతము నను దయ నేలెడు శ్రీహరి
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.