అంగనలారా హరినర్చించరె
బంగరుపూవుల బాగుగను
మారము సేయక మనకెల్లపుడును
కోరిన విచ్చెడు గోవిందు డని
తీరుగ ననిశము తీయనిమాటల
సారెకు పలికెడు చక్కని సామిని
నిండుమనసుతో నేరములెంచక
దండిగ వరముల దయచేయుచును
చెండుచు మన సంచితకర్మంబుల
నండగ నుండెడి యద్భుతచరితుని
దుష్ట దానవుల దునుముచు నిత్యము
శిష్టుల బ్రోచుచు చెలగెడు రామున
కిష్టముగను సంగీతము పాడుచు
స్పష్టముగను మోక్షమునే వేడుచు
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.