మరి యొకరిని పొగడనేల మనసా నీకు
భగవంతుండైన హరిని బ్రహ్మాదులు పొగడు హరిని
నిగమవేద్యుడైన హరిని నిరుపమానుడైన హరిని
జగములేలుచుండు హరిని సర్వేశ్వరుడైన హరిని
తగినరీతి పొగడవే తరచుగాను పొగడవే
పొగడి బక్కదైవములను పొందునట్టి ఫలమేమే
పొగడి నరాధముల నీవు పొందునట్టి సుఖమేమే
పొగడ దగిన హరినొక్కని పొగిడితే మోక్షమే
తగునని శ్రీహరిని నీవు తరచుగాను పొగడవే
హరేరామ హరేకృష్ణ హరేవాసుదేవ యనుచు
హరేపుండరీకనయన హరేపన్నగేంద్రశయన
హరేభక్తజనావన హరేపతితజనపావన
హరే హరే శరణమనుచు తరచుగాను పొగడవే
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.