శ్రీరామనామము కన్న మధురము

 

శ్రీరామనామము కన్న మధురము

    వేరొక్క టెందును లేదయ్యా

శ్రీరామచంద్రుని కన్న దైవము 

    వేరొక్క డెవ్వడు లేడయ్యా 

రామనామమును పలికెడు వారికి

    రాదిక జన్మము నిజమయ్యా 

రామచరితమును నుడివెడు వారికి 

    రాదిక జన్మము నిజమయ్యా

రాముని కీర్తన చేసెడు వారికి

    రాదిక జన్మము నిజమయ్యా

రాముని కీర్తిని చాటెడు వారికి

    రాదిక జన్మము నిజమయ్యా

రాముని సేవను మరువని వారికి

    రాదిక జన్మము నిజమయ్యా

రాముని మనసున నిలిపిన వారికి

    రాదిక జన్మము నిజమయ్యా

రామభక్తులై మనియెడు వారికి

    రాదిక జన్మము నిజమయ్యా

రామున కన్యము నెరుగని వారికి

    రాదిక జన్మము నిజమయ్యా

రాముడు నారాయణుడని తెలిసిన 

    రాదిక జన్మము నిజమయ్యా

రాముడు విశ్వాత్మకుడని తెలిసిన 

    రాదిక జన్మము నిజమయ్యా

రామమయం బీజగమని తెలిసిన

    రాదిక జన్మము నిజమయ్యా

రాముని బంటుగ చరియించినచో

    రాదిక జన్మము నిజమయ్యా