హరహర యంటే నేమిరా
హరిహరి యంటే నేమిరా
అరయగ బేధము లేదురా
ఇరువురు నొకటే చూడరా
నీలకంఠుడై నీవు తలచితే
కైలాసంబున కనబడురా
నీలవర్ణుడని నీవనుకొంటే
ఆలో వైకుంఠాధిపుడౌ
కామవైరియై రామ రామ యని
నామము చేసే స్వామియే
కామజనకుడై కడు భక్తిగ శివ
నామ జపమునే నడపేరా
హరోం హరా యని యరచి పిలచినా
హరే రామ యన నొకటేరా
పరాత్పరుని యెడ భక్తిని జూపుచు
తరించిపోయెడు దారులవే
చాలా బాగుంది. అభినందనలు.
రిప్లయితొలగించండి