సంగరంబున రామచంద్రుడు

 

సంగరంబున రామచంద్రుడు విజయంబు 

    సాధించినాడిదే చూడండి

అంగనామణిసీత కారావణుని చెఱయు 

    నంతమైనది నేడు చూడండి

వచ్చి సమవర్తి పౌలస్త్యుని జీవుని 

    బంధించి కొనిపోయె చూడండి    

వచ్చి మన శ్రీరామచంద్రుని పొగడిరా 

    బ్రహ్మాదిదేవతలు చూడండి

రావణునికై దొమ్మిచేసి మన్నైనట్టి 

    రాకాసి మూకలను చూడండి

శ్రీవిభునికై యని చేసిన కపులెల్ల 

    జీవించియున్నారు చూడండి

తలబాదుకొనుచు మందోదరి పొలికలని 

    దారిబట్టుట గూడ చూడండి

కలికిసీతమ్మ సింగారించుకొని యిదే 

    కదలె రాముని కడకు చూడండి