నేనెంత పొగడ నేర్తురా
నీనామ దివ్యమహిమను
ఎంతో పొంగి పొగడనా సంతోషముగ నామ
చింతనతో తాపత్రయ మంతరించగ
చింతలన్ని యణగారుట చిత్రమేమియు గాదు
అంతరించ తాపంబులు చింతలణగవా
ఎంతగ నిను పొగడినను యీవెఱ్ఱి మనసునకు
సుంతైనను తృప్తిగాదు జూడవయ్య
చింతితార్ధప్రద యయ్యది చిత్రమేమియు గాదు
వంతులుగా పొగడుచు దేవతలు తనిసిరా
శ్రీరామ పొగడలేడు శేషుడంత వాడే
వారిజాక్షపొగడలేడు బ్రహ్మయైనను
చేరి శివుడు పొగడు నది చిత్రమేమియు గాదు
మీరిరువురు గన నొక్కటి కారా యేమి
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.