రామ రామ శ్రీరామా

రామ రామ శ్రీరామా యను మని ప్రేమగ శివుడే బోధించె
రామనామమును చేయక మోక్షము రాదని చక్కగ బోధించె

శ్రీవిభునకు సరిదైవము లేడని శివుడు సూటిగా బోధించె
భూవలయంబున రామచంద్రుడై పుట్టెను హరి యని బోధించ
జీవులందరకు రామనామమే సిధ్ధౌషధమని బోధించె
భావము నందున రాముని నిలిపిన బ్రతుకు పండునని బోధించె

అందరు రాముని నామము చేయుట కర్హులె సుమ్మని బోధించె
అందమైన యీనామమునకు సరి యెందును లేదని బోధించె
వందనీయుడగు రాముని ధ్యానము వదలకుండుమని బోధించె
మందబుధ్ధులకు మాత్రము రాముని మహిమ తెలియదని బోధించె