ఉ. శ్రీరఘునాథపాదసరసీరహయుగ్మము నాశ్రయించి సం
సారవిముక్తులై బుధులు చక్కగ ముక్తిని చెందుచుండ దు
ర్వారభవాబ్ధిగ్రుంకులిడు పామరమానవు లంద రెప్పుడున్
మారుని యాప్తుడంచు మతిమాలి దలంతురు మూర్ఖచిత్తులై
ప్రపంచంలో ఉత్తములైన వాళ్ళు ఏమి చేస్తున్నారు?
శ్రీరఘునాథుని పాదపద్మాల జంటను ఆశ్రయిస్తున్నారు. అందుచేత వాళ్ళు ఈసంసారం నుండి విముక్తులై హాయిగా ముక్తిని చెందుతున్నారు.
ఇక ఉత్తములైన వాళ్ళు అతికొద్దిగా ఉండే ఈలోకంలో పామరమానవులు అత్యధికంగా ఉన్నారు.
వాళ్ళేమి చేస్తున్నారు?
వాళ్ళు కామాసక్తులై కాలం వెళ్ళబుచ్చుతూ ఉన్నారు.
వాళ్ళు ఆ మన్మథుణ్ణి ఆప్తుడిగా తలపోస్తున్నారు!
వట్టి మూర్ఖపు బుద్ధులు వాళ్ళవి!
వాళ్ళు చేస్తున్న ఈపిచ్చిపనికి ప్రతిఫలంగా వాళ్ళు భవసముద్రంలో పడి ప్రయాసపడుతూ అనంతకాలంగా ఈత కొడుతూనే ఉన్నారు.
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.