హరి దివ్యనామంబు లందు

హరి దివ్యనామంబు లందు రుచియే లేని

నరులతో పనియేమి నాకెప్పుడైన

సారహీనంబైన సంసారమందుడ

గోరు మతిహీనులను కూడ నాకేమి

శ్రీరామ యనుటకే సిగ్గుపడుచున్నట్టి

వారితో నాకేమిపని యెప్పుడైనను

కల్లగురువుల చేరి కల్లబోధలు విని

కల్లపూజలు చేసి కల్లదైవముల

కెల్ల విధముల చూపి వల్లమాలిన భక్తి

గుల్లబారగ బుధ్ధి గోవిందు మరచి

రామనామము నందు రక్తికలిగిన వారు

భూమి నుత్తములనుచు బుధ్ధిలో గ్రహియించి

రామనామము పలుకు ధీమంతు లగువారి

నేమరక సేవింప నెంచదను కాని