శ్రీరఘురాముని తలచవలె చిత్తములో నీచిత్తములో
శ్రీరఘురాముని కొలువవలె చేతులతో నీచేతులతో
అన్యప్రసంగము లేమియు వలదని హరిసంకీర్తన చేయవలె
ధన్యులు భక్తుల యోగుల మార్గము తప్పక తెలిసి చరించవలె
ధన్యులు కావలె నంటే మీకా తారకనామము కలుగవలె
అన్య గురువుల యవసర మేమని హరునే గురునిగ తెలియవలె
సవనరక్షకుడు భువనరక్షకుడు సార్వభౌముడగు రాఘవుని
సవినయముగ సేవించి తరించుట జన్మమెత్తుటకు కారణము
పవనాత్మజు డెప్పుడు పలికెడు పావననామమె చాలనుచు
భవహరమగు హరి తారకనామము వదలక నిత్యము చేయవలె
శ్రీరఘురాముని దివ్యనామమును జిహ్వను నిరతము నిలుపవలె
శ్రీరఘురాముని దివ్యచరితమును ప్రీతిగ నిత్యము చదువవలె
శ్రీరఘురాముని పాదపద్మముల సేవను వదలక చేయవలె
శ్రీరఘురాముని భక్తుల నితము జేరి తత్త్వమును తెలియవలె
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.