రామనామము చేయరా శ్రీరామనామము చేయరా

రామనామము చేయరా శ్రీరామనామము చేయరా 

రామనామము చేయువారికి రాని సౌఖ్యము లేదురా

రామనామము చేయుచుండును కామవైరి మహాత్ముడు

రామనామము చేయుచుండును ప్రేమతో హనుమంతుడు

రామనామము భక్తితో మునిరాజులు జపియింతురు

రామనామము నాల్కనుండిన రాని సౌఖ్యము లేదురా

రామచంద్రుడు ప్రేమమయుడా రామచంద్రుడె మిత్రుడు

రామచంద్రుడు విశ్వనాథుడు రామచంద్రుడు నిత్యుడు

రామచంద్రుడు విష్ణుదేవుడు రామచంద్రుడు దేవుడు

రామచంద్రుడు కరుణజూపిన రాని సౌఖ్యము లేదురా

రాముడిచ్చును బలము తేజము రాముడిచ్చును శాంతిని

రాముడిచ్చు నభయమ్ము జయము రాముడిచ్చును మానము

రాముడిచ్చును సంపదలను రాముడిచ్చును ముక్తిని

రాముడుండగ నండగా కనరాని సౌఖ్యము లేదురా