రావయ్య రావయ్య రఘునాయక మమ్ము
కావగ రావయ్య సర్వకామదాయక
దేవ సుఖదాయక త్రిభువనైకపోషక
భూవలయనాయక పూర్ణశుభదాయక
భావిత మునినాయక రావణాదినాశక
మావలని దోషముల మన్నించి రామ
కరుణారససాగర ధరణిజామనోహర
నరపాలసుధాకర కమనీయగుణాకర
సురగణైకనాయక సురవైరివిదారక
నరులమగు మమ్మింక మన్నించి రామ
భోగిరాజసేవిత భూసురగణ పూజిత
యోగిరాజకామిత యుర్విజాసమేత
నాగరాజప్రార్ధిత రాగాదివివర్జిత
సాగిరమ్ము మమ్మిక చక్కగా బ్రోవ
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.