సరళ.
సిరుల గోరి సురల చేరి పూజించుచు నుంద్రు
ధరను మూర్ఖజనులు తలపరు శ్రీరామ విభుని
హరిని విడచి యన్యు నర్చించు వారల కెట్లు
దొరకు ముక్తి యనెడు దు‌ర్లభం బైనట్టి పదము
లోకంలో కొందరు మూర్ఖజనులు ఉంటారు. కొందరని ఏమి వాళ్ళే ఎక్కువగా ఉంటారు.
వాళ్ళు ఏమి చేస్తారంటే సిరిసంపదలను కోరి రకరకాల దేవతలను పూజిస్తూ ఉంటారు.
కాని శ్రీరామచంద్రుడిని మాత్రం తలపోయరు.
భగవంతుడైన హరిని వదలిపెట్టి అన్యదేవతలను పూజించే వారికి ఎలా ముక్తిపదం దొరుకుతుంది?
అది దుర్లభమైనది.
కేవలం శ్రీమన్నారాయణుడు మాత్రమే అనుగ్రహించేది.
