తే. రాము డెవడని ప్రశ్నించు రాలుగాయి
యెవడు నీకెట్లు చెప్పిన నెఱుగగలవొ
కాశిలో జచ్చినప్పుడు కాని వాడు
నీకు చెప్ప డారీతి నీలోక మందు
ఓరాలుగాయీ రాము డెవడూ అని హేళనగా ప్రశ్నిస్తున్నావు కదూ?
ఎవడు నీకు ఎలాగు చెప్తే తెలుస్తుందో వాడు వచ్చి నీకు స్వయంగా అలా చెప్తే తప్పకుండా తెలుస్తుందిలే.
కాని ఎలా?
గట్టిచిక్కే వచ్చిందే!
నువ్వు నీపుణ్యంపుచ్చి కాశీలో చచ్చినప్పుడు కాని వాడు వచ్చి నీకలా చెప్పనే చెప్పడే!
నువ్వు ఈలోకంలో ఉండగా వాడు వచ్చి చెప్పడే, ఇంకెలా తెలిసేదీ నీకు?
