భగవంతుడు రాముడై ప్రభవించెను
జగదీశ్వరి తోడనే జానకి కాగ
సురలకష్టములు తీరెడు శుభకాలము వచ్చెను
నరుడై నారాయణుడు ధరకు రాగ
సురవైరుల గుండెలలో జొరబడినది భయము
పరమాత్ముడు వారిపని పట్టగ రాగ
మునుల తపఃఫలితములు మోసులెత్త జొచ్చెను
అనరణ్యుని శాపమున కదను కాగ
ధనేశుని సోదరునకు తపోబలము విచ్చెను
జనార్ధనుడు సూర్యవంశమున బుట్ట
మానవతుల పగలుతీరు మంచికాల మాయెను
దానవకుల మంతరించు తరుణము కాగ
ఆనీచుడు రావణున కంత్యకాల మాయెను
దానవారి మానవుడై తలపడ రాగ
