ఏ మందురా రామ యే మందురా లోక మే మన్న నీ వాడ నే నందురా |
|
కామక్రోధాదికఘనవైరిషట్కము నా మీద పగబట్టి నన్ను జేరి పాములవలె జుట్టి బట్టెనురా ఏమయ్య నీ నామ మే కాచెనురా |
ఏ మందురా |
ఎన్ని జన్మము లెత్తి యున్నానొ తెలియదు అన్ని జన్మల పాప పున్నెముల నెన్నగ నా బమ్మ కేనియు వశమా అన్నియు నీ నామ మడగించెనురా |
ఏ మందురా |
జీవుడ నగు నేను చీకాకు పడుచుండ దేవుడ నా చింత దీర్చుటకై యే వేళ నీ నామ మిచ్చితి వో గాని భావింప నాడె నీ బంటుగ నైతిరా |
ఏ మందురా |
బొమ్మా బొమ్మా ఆడవే ఇమ్మహి నీదే యాడవే సొమ్ముల కొఱకే యాడేవో గుమ్ముగ హరికై యాడేవో |
|
తాపత్రయములు కోపతాపములు చూపుచు కసిగా నాడేవో పాపరహితుడౌ తాపసివిధమున శ్రీపతి మెచ్చగ నాడేవో |
బొమ్మా |
లేని బంధముల లోన చిక్కువడి దీనత చూపుచు నాడేవో జ్ఞానము కలిగిన వాని విధంబున మౌనము గానే యాడేవో |
బొమ్మా |
వచ్చేపోయే వంకర బుధ్ధుల పిచ్చికళలతో నాడేవో ముచ్చటపడి శ్రీరామచంద్రుడే మెచ్చువిధంబుగ నాడేవో |
బొమ్మా |
ఈ బొమ్మ ఆడేది యెన్నాళ్ళు ఈశ్వరు డాడించి నన్నాళ్ళు ఈ బొమ్మకు సౌబ తెన్నాళ్ళు డాబుగ నిది యాడు నన్నాళ్ళు |
|
తానెందు కాడేది తానెరుగదే బొమ్మ తానే యాడుదు నని తలచేను బొమ్మ తానే గడసరి నని తలచేను బొమ్మ దాని సంగతి చెప్ప తరముగా దమ్మ |
ఈ బొమ్మ |
నీటుతనముల బొమ్మ నిండైన బొమ్మ మేటి యాటల బొమ్మ మేలైన బొమ్మ మాటిమాటికి రూపు మార్చెడు బొమ్మ పాటున కోర్వని బంగారు బొమ్మ |
ఈ బొమ్మ |
అక్కజమగు నడత నలరారు బొమ్మ చక్కని దిది రామచంద్రుని బొమ్మ దిక్కు వాడే నని తెలిసిన బొమ్మ మిక్కిలి భక్తితో మెలగెడు బొమ్మ |
ఈ బొమ్మ |
అన్నియు నీవై యమరి యుండగ నెన్నగ నేమిటి కితరుల నిపుడు |
|
పవలు నీవు దీప్తాంశుడవగుచు నవల రేయి నమృతాంశుడ వగుచు దివి భువి గాచుచు తేజరిల్లగ నెవరిని పొగడగ నేమి కలదయా |
అన్నియు |
దేవతలందరు నీ విభూతులే జీవకోటి నీ చిత్కళలే యన నీ విశ్వంబున నెటు చూచినను నీవే కలవన్నిటిలో నిండుగ |
అన్నియు |
అది కావలెనని యాదేవతలనొ యిది కావలెనని యీదేవతలనొ మది నెన్నుట మతిమాలిన పనిగద యిదిగో నిన్నే యెన్నెద రామా |
అన్నియు |
బాపు బాపు కృష్ణా బాలకృష్ణా బాపు రే నీ ప్రతాపభాగ్యము లివిగో | |
బాలుడఁవై రేపల్లెఁ బాలు నీ వారగించఁగ పాల జలనిధి యెంత భయపడెనో ఆలించి తొదల మాట లాడనేరుచుకొనఁగ యీ లీల నసుర సతు లెంత భ్రమసిరో |
॥బాపు॥ |
తప్పటడుగులు నీవు ధరమీద బెట్టగాను తప్పక బలీంద్రుఁ డేమి దలచినాఁడో అప్పుడే దాఁగిలి ముచ్చు లందరితో నాడఁగాను చెప్పేటి వేదాలు నిన్నుఁ జేరి యెంత నగునో |
॥బాపు॥ |
సందడి గోపికల చంకలెక్కి వున్ననాఁడు చెంది నీ వురము మీఁది శ్రీసతి యేమనెనో నిందుగ శ్రీవేంకటాద్రి విభుఁడవై యున్న నేఁడు కందువైన దేవతల ఘనత యెట్టుండునో |
॥బాపు॥ |
పిలువరే కృష్ణుని పేరుకొని యింతటాను పొలసి యారగించే పొద్దాయ నిపుడు | |
వెన్నలారగించఁబోయి వీదులలోఁ దిరిగేనో యెన్నరాని యమునలో యీఁదులాడీనో సన్నల సాందీపనితో చదువఁగఁ బోయి నాఁడో చిన్నవాఁ డాఁకలి గొనె చెలులాల యిపుడు |
॥పిలువరే॥ |
మగువల కాఁగిళ్ళ మఱచి నిద్దరించీనో సొగిసి యావులఁ గాచే చోట నున్నాఁడో యెగువ నుట్లకెక్కి యింతులకుఁ జిక్కినాఁడో సగము వేఁడి కూరలు చల్లనాయ నిపుడు |
॥పిలువరే॥ |
చెంది నెమలి చుంగుల సింగారించుకొనీనో ఇందునే దేవరవలె నింటనున్నాఁడో అందపు శ్రీవేంకటేశుఁ డాడి వచ్చె నిదె వీఁడె విందులఁ మాపొత్తుకు రా వేళాయె నిపుడు |
॥పిలువరే॥ |
పాడేరయ్యా నిన్ను పరమభాగవతులు పాడగ నేనెంత వాడనయ్య రామ | |
సాహిత్యము లేదు సంగీతము రాదు ఓహో నేనును పాడ నుంకింతునో ఊహించు నిను పాడ నుల్లము శ్రీరామ సాహసించి నేను నేడు పాడెదనో |
పాడేరయ్యా |
వేదశాస్త్రంబుల వివరము లెఱుగను వేదాంతసిధ్ధాంతవిధముల నెఱుగ వేదవేదాంతసంవేద్య శ్రీరామ నీ దయ నేమని పాడెదనో |
పాడేరయ్యా |
రాగము లేదు కాని రాము డున్నాడని తూగు భావము లేదు తోచు భక్తి యని భాగవతులు మెచ్చ పరమాత్మ శ్రీరామ నీ గాధలను నేను పాడెదనో |
పాడేరయ్యా |
మెలకువ రాగానే పలకరింతు రాముని పులకరించి పలకరింతు జలధరసుశ్యాముని |
|
నా రాముని దయవలన నాకు గలిగె నీ తనువు నా రాముని సేవలోన నడచి పోవు నా బ్రతుకు నా రాముని తలపులే నా కన్నము పానము నా రాముని పొగడుటయే నాకు సంతోషము |
మెలకువ |
నా రాముడు లేని చోటు నా కగుపడకుండు నా రాముడు పవలురేలు నన్ను కాచియుండు నా రాముడు నిదురనైన నన్ను వదలకుండు నా రాముడు కలల నన్ను చేరి యాడుచుండు |
మెలకువ |
నా రాముని పాటలతో నాకు ప్రొద్దుపోవును నా రాముని యనుజ్ఞతో నాకు నిదురకల్గును నా రాముని నామముతో నాపెదవులు కదలును నా రాముని పొగడుకొనగ నాకు తెల్లవారును |
మెలకువ |
నీరేజపత్రేక్షణా శ్రీరామచంద్ర నిజభక్తసంపోషణా స్మేరాననా చిన్మయా శ్రీరామచంద్ర సీతామనోమోహనా పరమాత్మ నారాయణా శ్రీరామచంద్ర వైకుంఠవాసవిభో పరమేష్ఠిసంప్రార్థితా శ్రీరామచంద్ర పరమేశ లోకప్రభో కమనీయసందర్శనా శ్రీరామచంద్ర కౌసల్యాసుఖవర్థనా కమలాప్తకులభూషణా శ్రీరామచంద్ర కల్యాణగుణవర్థనా మునికాంతాశాపాంతకా శ్రీరామచంద్ర మునియాగసంరక్షకా మునిలోకపరివేష్ఠితా శ్రీరామచంద్ర దనుజప్రజాకంటకా భర్గచాపనిగ్రహా శ్రీరామచంద్ర వసుధాసుతావల్లభా భార్గవాగ్రహవారకా శ్రీరామచంద్ర పరమశాంతవిగ్రహా సాకేతనగరస్థితా శ్రీరామచంద్ర జనకాత్మజాసేవితా లోకావనాతత్పరా శ్రీరామచంద్ర లోకైకరక్షాపరా వనవాసదీక్షాన్వితా శ్రీరామచంద్ర భామాసౌమిత్రీయుతా అనుజ భరతప్రార్థితా శ్రీరామచంద్ర అభిషిక్తనిజపాదుకా మునిరాజగణసన్నుతా శ్రీరామచంద్ర మునిలోకవరదాయకా జనస్థాననిష్కంటకా శ్రీరామచంద్ర సకలాసురదర్పహా అపహసితదోషాచరీ శ్రీరామచంద్ర అపహృతక్షోణీసుతా విపరీతశోకాకులా శ్రీరామచంద్ర విపినభ్రమణవ్యాకులా శకుంతాధిపమోక్షదా శ్రీరామచంద్ర శబరీసమారాధితా వికటకబంధాంతకా శ్రీరామచంద్ర విరహార్తిసమ్మోహితా అవనీసుతాన్వేషకా శ్రీరామచంద్ర పవమానసుతసేవితా రవిపుత్రసన్మానితా శ్రీరామచంద్ర దివిజేంద్రతనయాంతకా గిరిప్రస్రవణసంస్థితా శ్రీరామచంద్ర విరహార్తిసంక్షోభితా హరిసైన్యసంసేవితా శ్రీరామచంద్ర వరఋక్షగణసేవితా పరిశీలితమేదినీ శ్రీరామచంద్ర హరిదర్శిత మైధిలీ అరిరావణదూషితా శ్రీరామచంద్ర హరిరాట్సమాశ్వాసితా కారుణ్యవారాన్నిధీ శ్రీరామచంద్ర ఘనపాపసంశోషణా వారాన్నిధిబంధనా శ్రీరామచంద్ర భండనహతరావణా పాకశాశనసన్నుతా శ్రీరామచంద్ర బ్రహ్మాద్యభినందితా సాకేతపీఠస్థితా శ్రీరామచంద్ర సర్వజగద్వందితా |
రాముని తలచవె మనసా శ్రీ రాముని తలచిన సేమము కలుగును రాముని తలచవె మనసా | ||
ఎవరే బంధుగణంబులు నీకు ఎవరే మిత్రగణంబులు నీకు అవలి యొడ్డునకు చేరే వేళ ఎవరే నీతో నడచే వారు | రాముని | |
నిందలు వేసే వారిని చూసి ఎందుకు నీవు చింతించెదవే అందుకు వారే ఆ సమవర్తి ముందర నిలచి వాపోయేరే | రాముని | |
తెగడే వారిని తెగడ నీయవే పొగడే వారిని పొగడ నీయవే జగమును విడచే టప్పుడు నీతో వగపులు మురిపెము లేవీ రావే | రాముని | |
వచ్చిన కార్యము రాముడు మెచ్చగ ముచ్చటగా నెఱవేర్చుకు పోవే ఇచ్చట మొఱిగే కుక్కలు నీతో మచ్చరించు టవమానము కాదే | రాముని |
సకలజనులకు నా నమస్కారశతము మీకు హితుడనా నా నమస్కారశతము మీ కహితుడనా నమస్కారశతము మీరు ప్రేమింతురా నమస్కారశతము మీరు ద్వేషింతురా నమస్కారశతము మీ రుపేక్షింతురా నమస్కారశతము మీరు నా వారలా నమస్కారశతము మీరు పెఱవారలా నమస్కారశతము చేరి పొగడెదరా నమస్కారశతము కోరి తెగడెదరా నమస్కారశతము మీరు నమ్మెదరా నమస్కారశతము మీరు నమ్మనిచో నమస్కారశతము మీరు మెచ్చెదరా నమస్కారశతము మీరు మెచ్చనిచో నమస్కారశతము మీర లనుకూలురా నమస్కారశతము మీరు ప్రతికూలురా నమస్కారశతము మీరు మన్నింతురా నమస్కారశతము మీరు వేధింతురా నమస్కారశతము మీరు భావింతురా నమస్కారశతము మీరు బాధింతురా నమస్కారశతము మీరు సాధింతురా నమస్కారశతము మీరు మేలెంతురా నమస్కారశతము మీరు కీడెంతురా నమస్కారశతము మీరు సజ్జనులా నమస్కారశతము మీరు దుర్జనులా నమస్కారశతము మీర లెట్లున్న నా నమస్కారశతము సర్వవేళల నా నమస్కారశతము సర్వవిధముల నా నమస్కారశతము మీర లెవరైన నా నమస్కారశతము చాల మారులు నా నమస్కారశతము చాల వినయంబుతో నమస్కారశతము సాగి నే చేయు నీ నమస్కారశతము సత్య మెఱిగి చేసెడు నమస్కారశతము సకల హృత్పద్మములయందు సంచరించు జానకీరాములకు నమస్కారశతము గరిమన్ స్వర్ణ మనేక భూషణములన్ కన్పట్టు చందంబునన్ పరమాత్ముం డఖిలప్రపంచమయుడై భాసిల్లు నట్లౌటచే సురసిధ్ధోరగయక్షకిన్నరనర స్తోమాది శశ్వత్ చరా చరరూపోజ్వల సర్వభూతములకున్ సద్భక్తితో మ్రొక్కెదన్ |
ఈ ప్రయత్నం సరికాదు.
కష్టేఫలీశర్మగారు కావాలనుకుంటే తమటపాలను బ్లాగులో ఉంచలేరా? వారు ఇకచాలు వద్దు అనుకున్నారు. మధ్యలో జిలేబీగారు దూరి వారి బ్లాగుటపాలను నేను ప్రకటిస్తాను అనటం అక్రమం, అనైతికం. ఇది ఆయన్ను క్షోభపెట్టాలన్న దురుద్దేశం తప్ప మరేమీ కాదు. చాలించండి దుండగాలు. | |
