సకలజనులకు నా నమస్కారశతము మీకు హితుడనా నా నమస్కారశతము మీ కహితుడనా నమస్కారశతము మీరు ప్రేమింతురా నమస్కారశతము మీరు ద్వేషింతురా నమస్కారశతము మీ రుపేక్షింతురా నమస్కారశతము మీరు నా వారలా నమస్కారశతము మీరు పెఱవారలా నమస్కారశతము చేరి పొగడెదరా నమస్కారశతము కోరి తెగడెదరా నమస్కారశతము మీరు నమ్మెదరా నమస్కారశతము మీరు నమ్మనిచో నమస్కారశతము మీరు మెచ్చెదరా నమస్కారశతము మీరు మెచ్చనిచో నమస్కారశతము మీర లనుకూలురా నమస్కారశతము మీరు ప్రతికూలురా నమస్కారశతము మీరు మన్నింతురా నమస్కారశతము మీరు వేధింతురా నమస్కారశతము మీరు భావింతురా నమస్కారశతము మీరు బాధింతురా నమస్కారశతము మీరు సాధింతురా నమస్కారశతము మీరు మేలెంతురా నమస్కారశతము మీరు కీడెంతురా నమస్కారశతము మీరు సజ్జనులా నమస్కారశతము మీరు దుర్జనులా నమస్కారశతము మీర లెట్లున్న నా నమస్కారశతము సర్వవేళల నా నమస్కారశతము సర్వవిధముల నా నమస్కారశతము మీర లెవరైన నా నమస్కారశతము చాల మారులు నా నమస్కారశతము చాల వినయంబుతో నమస్కారశతము సాగి నే చేయు నీ నమస్కారశతము సత్య మెఱిగి చేసెడు నమస్కారశతము సకల హృత్పద్మములయందు సంచరించు జానకీరాములకు నమస్కారశతము గరిమన్ స్వర్ణ మనేక భూషణములన్ కన్పట్టు చందంబునన్ పరమాత్ముం డఖిలప్రపంచమయుడై భాసిల్లు నట్లౌటచే సురసిధ్ధోరగయక్షకిన్నరనర స్తోమాది శశ్వత్ చరా చరరూపోజ్వల సర్వభూతములకున్ సద్భక్తితో మ్రొక్కెదన్ |
16, ఆగస్టు 2016, మంగళవారం
అందరికీ వందేసి నమస్కారాలు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
ముఖ్యగమనికః పైన వ్రాసిన తేటగీతమాలిక క్రింద ఇచ్చిన మత్తేభవిక్రీడితవృత్తం నా రచన కాదు. అది శ్రీపరశురామపంతుల లింగమూర్తి గురుమూర్తి గారి శ్రీసీతారామాంజనేయ సంవాదం అనే గ్రంథంలోనిది. ఇలా పెద్దల పద్యాలను తమ కృతుల్లో గౌరవపురస్సరంగా చేర్చుకోవటం సంప్రదాయమే. అందులో చౌర్యం ఏమీ లేదు. ఈ విషయం సాహిత్యలోకంలో సుప్రసిథ్థమైన సంగతియే. ఐనా ఎవరైనా తెలిసీతెలియక అజ్ఞతతో అక్షేపించే అవకాశం ఉంది కాబట్టి ప్రత్యేకంగా చెప్పటం జరిగింది.
రిప్లయితొలగించండితస్కరాయనమః, మయస్కరాయనమః అన్నట్టు నమకంలా ఉందే
రిప్లయితొలగించండిఅవునండి అలాగే ఉంది కదా. రుద్రం మూడవ అనువాకంలో మీరన్నది వస్తుందండి:
తొలగించండినమః సహ’మానాయ నివ్యాధిన’ ఆవ్యాధినీ’నాం పత’యే నమో నమః’ కకుభాయ’ నిషఙ్గిణే” స్తేనానాం పత’యే నమో నమో’ నిషఙ్గిణ’ ఇషుధిమతే’ తస్క’రాణాం పత’యే నమో నమో వఞ్చ’తే పరివఞ్చ’తే స్తాయూనాం పత’యే నమో నమో’.....
అంతేనండి. ప్రస్తుత జన్మలో అభ్యాసమూ అనుభవాలూ కలిసి కొంతలో కొంత సమదృష్టిని ఇస్తాయి. జన్మాంతరసంస్కారాదులు అప్పటికే పూర్వాభ్యాసమూ, పూర్వానుభవాలనూ వాసనా రూపంగా పరంపరాగతంగా ఎలాగూ అప్పటికే అందించి ఉంటాయి. అన్నీ కలగలిసి ఇహంలో రాటుదేలేలా చేస్తాయి. అదే యెఱుక కాదు కాని యెఱుకను కలిగించటంలో ఈ సంస్కారం బహూపయోగి. మెల్లగా సమదర్శనత్వం వస్తుంది బ్రాహ్మణే, గవి .... శునిచైవ,శ్వపాకేచ అన్నట్లుగా. కావలసినది అదే కదా. స్వల్పాలను కూరి ఇరుకు చేసి మనస్సును క్షోభించనిస్తే ఇక భగవంతుడు వచ్చి కూర్చుండటానికి దానిలో చోటు లేకుండా పోతుంది. స్పందించినందుకు ధన్యవాదాలు.
తొలగించండిసుహృన్మిత్రార్యుదాసీనమధ్యస్థద్వేష్యబంధుషు సాధుష్వపి చ పాపేషు సమబుద్ధిర్విశిష్యతే - గుర్తు వస్తుంది సార్.
రిప్లయితొలగించండి