17, ఆగస్టు 2016, బుధవారం

రాముని తలచవే మనసా ....


రాముని తలచవె మనసా శ్రీ
రాముని తలచిన సేమము కలుగును
రాముని తలచవె మనసా


ఎవరే బంధుగణంబులు నీకు
ఎవరే మిత్రగణంబులు నీకు
అవలి యొడ్డునకు చేరే వేళ
ఎవరే నీతో నడచే వారు

రాముని

నిందలు వేసే వారిని చూసి
ఎందుకు నీవు చింతించెదవే
అందుకు వారే ఆ సమవర్తి
ముందర నిలచి వాపోయేరే

రాముని

తెగడే వారిని తెగడ నీయవే
పొగడే వారిని పొగడ నీయవే
జగమును విడచే టప్పుడు నీతో
వగపులు మురిపెము లేవీ రావే

రాముని

వచ్చిన కార్యము రాముడు మెచ్చగ
ముచ్చటగా నెఱవేర్చుకు పోవే
ఇచ్చట మొఱిగే కుక్కలు నీతో
మచ్చరించు టవమానము కాదే

రాముని