23, ఆగస్టు 2016, మంగళవారం

పాడేరయ్యా నిన్ను పరమభాగవతులు





పాడేరయ్యా నిన్ను పరమభాగవతులు
పాడగ నేనెంత వాడనయ్య రామ


సాహిత్యము లేదు సంగీతము రాదు
ఓహో నేనును పాడ నుంకింతునో
ఊహించు నిను పాడ నుల్లము శ్రీరామ
సాహసించి నేను నేడు పాడెదనో
పాడేరయ్యా

వేదశాస్త్రంబుల వివరము లెఱుగను
వేదాంతసిధ్ధాంతవిధముల నెఱుగ
వేదవేదాంతసంవేద్య శ్రీరామ
నీ దయ నేమని పాడెదనో
పాడేరయ్యా

రాగము లేదు కాని రాము డున్నాడని
తూగు భావము లేదు తోచు భక్తి యని
భాగవతులు మెచ్చ పరమాత్మ శ్రీరామ
నీ గాధలను నేను పాడెదనో
పాడేరయ్యా



(వ్రాసిన తేది: 2014-09-04)

1 కామెంట్‌:

  1. హరి గుణ మణిమయ సరములు గళమున శోభిల్లు భక్తకోటులిలలో
    తెలివితో చెలిమితో కరుణగల్గి జగమెల్లను సుధాధృష్టిచే బ్రోచు వారెందరో మహానుభావులు

    రిప్లయితొలగించండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.