పాడేరయ్యా నిన్ను పరమభాగవతులు

పాడేరయ్యా నిన్ను పరమభాగవతులు పాడగ నేనెంత వాడనయ్య రామ
సాహిత్యము లేదు సంగీతము రాదు ఓహో నేనును పాడ నుంకింతునో ఊహించు నిను పాడ నుల్లము శ్రీరామ సాహసించి నేను నేడు పాడెదనో	పాడేరయ్యా
వేదశాస్త్రంబుల వివరము లెఱుగను వేదాంతసిధ్ధాంతవిధముల నెఱుగ వేదవేదాంతసంవేద్య శ్రీరామ నీ దయ నేమని పాడెదనో	పాడేరయ్యా
రాగము లేదు కాని రాము డున్నాడని తూగు భావము లేదు తోచు భక్తి యని భాగవతులు మెచ్చ పరమాత్మ శ్రీరామ నీ గాధలను నేను పాడెదనో	పాడేరయ్యా

(వ్రాసిన తేది: 2014-09-04)