30, సెప్టెంబర్ 2011, శుక్రవారం

అలుక

నీవు మోసగాడివని నింద వేశానా
నోటికొచ్చినట్లు నేను నిన్ను తిట్టానా

తోలు బొమ్మల లోన తేపతేపకు దూర్చి
నేలమీద యెగిరించి నువ్వు నవ్వుతావు
అసలు విషయ మేమిటని అడిగానంతే
ఇంత చిన్న మాటకే యెందుకు నీ కలుక

ముమ్మూర్తుల నాలాగే నిన్ను చేశానని
నమ్మబలికి చివుకు బొమ్మ నంటగట్టుతావు
యెందుకిలా చేస్తావని అడిగానంతే
ఇంత చిన్న మాటకే యెందుకు నీ కలుక

నువ్వు నేను ఒకటే నీ ఆనందం కోసం
నవ్వుతూ పదేపదే నే నాడుతాను
కొంటె ప్రశ్నలడిగానని కోపమొచ్చిందా
రెండు చిన్నమాటలంటె యెందుకు నీ కలుక

2 వ్యాఖ్యలు:

  1. It is difficult to follow. what is this?. To whom you are addressing is not known.

    ప్రత్యుత్తరంతొలగించు
  2. శ్రీమూర్తిగారూ,
    మీరు ఈ కవితను మరింత పరిశీలనగా చదువవలసిందిగా విజ్ఞాపన చేసుకుంటున్నాను. ఈ క్రింది మాటలు చూడండి:
    "తోలు బొమ్మల లోన తేపతేపకు దూర్చి
    నేలమీద యెగిరించి నువ్వు నవ్వుతావు"

    ఎవరు నన్ను పదేపదే దేహిని చేసున్నారో అతడిని ఉద్దేశించి గాదా నేను మాట్లాడుతున్నది!
    అర్థం అయినదని ఆశిస్తున్నాను

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.