మానవుడా ఓ మానవుడా హరినామము మానకు మానవుడా
మానక శ్రీహరినామము చేసిన మానవుడే తరియించునురా
హరినామముచే అరిషడ్వర్గము నణచివేయరా మానవుడా
హరినామముచే అఖిలద్వంద్వముల నధిగమించరా మానవుడా
హరినామముచే కలిని జనియించి యానందించర మానవుడా
హరినామముచే అఖిలాత్మకుడగు హరిని చేరరా మానవుడా
హరినామముచే యాత్మశక్తి నీకతిశయమగురా మానవుడా
హరినామముచే ప్రకృతి నీయెడ నణగియుండును మానవుడా
హరినామముచే త్రిభువనపూజ్యత యబ్బును నీకు మానవుడా
హరినామముచే యమదూతలు నిన్నంటజాలరు మానవుడా
హరేరామ యని పలుకర నీవిక యన్నివేళలను మానవుడా
హరేకృష్ణ యని నిత్యము పలుకుచు నానందించర మానవుడా
హరేరామ శ్రీహరేకృష్ణ యని ఆలపించరా మానవుడా
నిరంతరాయముగా హరినామము నీవు పలుకరా మానవుడా
