గొప్పవాడవయ్యా నీవు కోదండరామా మా
తప్పులు మన్నించి కాచు దయామయా రామా
ఆర్తజనత్రాణపరాయణుడవైన రామా బహు
ధూర్తరక్షోగణములను దునుమాడే రామా
మూర్తిగొన్న బ్రహ్మమవని పొగడబడే రామా స
త్కీర్తితోడ యుగయుగముల తేజరిల్లు రామా
సదావసుంధరాసుతాసమర్చిత రామా సం
పదలకెల్ల మూలమైన పట్టాభిరామా
సదాచతురాననాదిచర్చితగుణ రామా ఆ
పదల నెల్ల పోనడచే పరమవీర రామా
కూరిమితో భక్తజనుల చేరదీయు రామా సా
మీరి హృదయపీఠమున మెఱయుచుండు.రామా
కోరిన కోరికలు తీర్చు గుణముగల రామా భవ
తారకమని పేరొందిన పేరుగల రామా
