హరి యనరే హరిహరి యనరే శ్రీ
హరినామములే రుచి యనరే
పరమపురుష గోవింద జనార్దన పతితపావనా హరి యనరే
పరమానంద ముకుంద పరాత్మర పద్మనిభేక్షణ హరి యనరే
గిరిధర మాధవ వనమాలాధర కేశవ నరహరి హరి యనరే
సురారినాశక పురారిసన్నుత సుభుజ సుయామున హరి యనరే
శ్రీనిధి శ్రీధర శ్రీమతాంవర శ్రీవిభావనా హరి యనరే
శ్రీనివాస శశబిందు సురేశ్వర సిధ్ధిసాధనా హరి యనరే
జ్ఞానానందమయస్వరూప శుభసత్యపరాక్రమ హరి యనరే
దానవనాయక గర్వవిశోషణ ధర్మవిదుత్తమ హరి యనరే
పురాణపూరుష లోకత్రయాశ్రయ మోహవినాశక హరి యనరే
సురేంద్రవందిత మునీంద్రవందిత సుందర సుఖదా హరి యనరే
హరేరామ సుగుణాకర శ్రీకర ఆశ్రితవత్సల హరి యనరే
హరేకృష్ణ ప్రణతార్తివినాశక అమేయాత్మ శ్రీహరి యనరే
