ముందు వెనుకలె కాక

ముందు వెనుకలె కాక యందరు హరిపద
మందుదు రిందుకు సందియమేల

వేరువేరు దారుల వేదపర్వత మెక్కు
వారందరు హరి వద్ద చేరెదరు
శ్రీరమణుని చేరు జీవుల మధ్యన
తారతమ్యా లెంచ దగునా మనకు

దానధర్మంబులు తాపసవృత్తులు
పూని యోగరత బుధ్ధులును
మానని వారును కానని వారును
మానక హరినే మరి చేరెదరు

పరమనిష్ఠగ రామభద్రుని గొలుచుచు
మరువక రామనామస్మరణమును
నరుడెవ్వ డుండు వాడు నారాయణుని
పరమపదమిదే పట్టుచున్నారు