ఎంత విచారించినా యింతి తిరిగివచ్చునా
ఎంత ప్రయత్నించినా యింతి మరపువచ్చునా
నేలపైన నన్ను విడచి నింగి కెగసె శారద
కాలగర్భమున కలిసె గాఢానుబంధము
కాలువలుగ నేడ్చినా కనికరించునా విధి
జాలి లేదు కద దానికి సాకేతరామా
మున్నే చనవలయునని ముదిత కోరుకొన్నది
ఎన్నగ నది సహజమే యీగేహినులకును
అన్నాతిని కోలుపడితి నన్నవిచారంబున
నున్న నాకు మనశ్శాంతి నొసగుమా రామా
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.