హరేరామ యను వారికి కలుగును సరాసరి మోక్షం బాబూ
పరాకు పడితే కల్లదైవముల పాలైతే కష్టం
కలియుగ మందున కొల్లలు కొల్లలు కల్లగురువులు నీచుట్టూ
కలికమునకును నిజమే లేని కల్లబొల్లి దుర్బోధలతో
నిలువున ముంచే మాయవిద్యలతో నిన్నాకర్షించుట తథ్యం
ఉలకక పలుకక రామరామ యని ఉపేక్షీంచుటే మార్గం
వెలిసేరయ్యా ఊరూరా బహువిచిత్రమైన దేవుళ్ళు
కలవని మహిమలు కల్లగురువులు ఘనముగ బాకాలూదేరు
కలుగును సిరులని కలుగు మోక్షమని కల్ల ఋజువులే చూపేరు
తలయూచక శ్రీరామరామ యని నిలువరించుటే మార్గం
శివుడిచ్చిన శ్రీరామనామమును చేయుట కన్నను మేలేది
భవతారకఘనమంత్రము కన్నను పవిత్రమైనది వేరేది
వివేకవంతుడు రామనామమును విడిచిపెట్టుటను మాటేది
పవమానాత్మజ రామదాసుల బాటకంటెను దారేది
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.