రాముని మరచును దేవా
రాముని సంగతి మరచిన జీవుడు
భూమికి బరువగు దేవా
భూమికి బరువై బ్రతుకుట కన్నను
పోల్చగ హీనత కలదే
వేమరు పుట్టియు వేమరు చచ్చియు
కాముని స్నేహము విడడే
కాముని స్నేహము విడిచెడు దాకను
రాముడు స్మరణకు రాడే
రాముడు స్మరణకు వచ్చెడు దాకను
యేమియు లాభము లేదే
కాముడు తన చేజిక్కిన వానిని
యేమిటికని పొమ్మనును
యేమో కాలము గడువగ గడువగ
కాముని స్నేహము వెగటై
రాముని నామం బింపుగ వినబడి
రాముడు ప్రియుడని తోచును
రాముడు ప్రియుడను జీవుని గ్రక్కున
కాముడు విడచుట తథ్యము
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.